dongeng kaopat

Mieling Dinten Ibu 

ping 22 Desember 2014

Ibu...
nu kaleresan nuju teu damang,
mugia Ibu sing enggal damang,
mugia sadaya kanyeri nu karaos 
digentosan ku ni'mat ti Gusti nu langkung ageung

Ibu...
sim kuring neda dihampura,
dina sagala  paripolah, tutur basa
bilih aya nu matak milaraan ka Ibu
rumaos sim kuring seeur ngarepotkeun
rumaos sim kuring teu acan tiasa ngabagjakaeun

Ibu...
sim kuring mung tiasa ngahaturanan du'a
mugia Ibu panjang yuswa bari sehat wal 'afiat jagjag waringkas saterasna
mugia Ibu ditebihkeun tina hal nu matak picilakaeun sareng pirugieun saterasna
mugia Ibu kalungsuran rizki anu barokah nu mangpaat dunya akherat saterasna
mugia Ibu teras dina taufik sareng hidayah ti Gusti saterasna
mugia Ibu laksana sagala rupi anu dicita-citakeun saterasna
mugia Ibu ditangtayungan ku Gusti Anu Maha Welas tur Anu Maha Asih saterasna
mugia Ibu dina kasaean, istiqomah iman islam, tiasa kacandak dugi manjing sawarga ... Aamiin
 

Ibu..
sim kuring oge neda pidu'ana
mugi sim kuring tiasa janten istri sareng ibu nu sholeh sapertos Ibu
mugi sim kuring tiasa ngajejeuhkeun kulawarga sapertos Ibu
mugi sim kuring tiasa ngawurukan murangkalih supados sholeh
mugi sim kuring tiasa gaduh sipat sabar, tawadho, berehan sapertos Ibu
mugi sim kuring tiasa masak sayur lodeh nu raos sapertos Ibu
seeur deui anu kasuhun nu teu tiasa disebatan hiji-hijina

Wilujeng Mieling Dinten Ibu

Ibu Suparsih binti Mbah Mujinah wa Mbah Amat Rasidi weton Kemis,
ti :
Bapa Sugih Harto
Ani & Dede Adijaya
Fitria Nur Rohmat
Eka Rizqika Fathonah
Euis Nur Laelly
Rangga Wiguna